وەزارەتی دارایی و ئابوری حکومەتی هەرێمی کوردستان بڵاویکردەوە کە مووچەی مامۆستایانی گرێبەست ڕۆژی چوارشەممە دابەش دەکرێت.
یەک شەممە، ٢٨ کانوونی یەکەم ٢٠٢٥، وەزارەتی دارایی و ئابوری حکومەتی هەرێمی کوردستان ڕایگەیاند "ڕۆژی چوار شەممە ٣١ کانوونی یەکەم ٢٠٢٥ مووچەی مانگی تشرینی یەکەمی مامۆستایانی گرێبەستی وەزارەتی پەروەردەو خوێندنی باڵا و توێژینەوەی زانستی دابەش دەکرێت"
لەهەمان ڕۆژدا مووچەی مانگی تشرینی یەکەمی سەرجەم ئەو فەرمانبەرانە دابەش دەکرێت کەلەدوای ١تەمووزی ٢٠٢٤ بەشێوەی گرێبەست و هەمیشەیی لەسەر میلاکی دامەزراوەکانی حکوومەتی هەرێم دامەزراون کەشایستەکانیان لەسەر داهاتی ناوخۆی هەرێمی کوردستان خەرج دەکرێت.
دوای نیوەڕۆی ئەمڕۆ وەزارەتی دارایی و ئابوری حکومەتی هەرێمی کوردستان لیستی مووچەی فەرمانبەرانی هەرێمی بڵاوکردەوە و لە سبەینێوە تا ڕۆژی چوار شەممە سەرجەم مووچەخۆران مووچە وەردەگرن.