بەڕیوبەرایەتی ئاسایشی پارێزگای هەولێر ئاماژەی بە دەستگیرکردنی ئەو تۆمەتبارە کردوە کە لە یەکێک لە پرۆژەکانی نیشتەجێبوونی پارێزگاکە کەسێکی هەڵداوەتە خوارەوە و گیانی لە دەستداوە.
چوار شەممە، ٣١ کانوونی یەکەم ٢٠٢٥، بەڕێوبەرایەتی ئاسایشی پارێزگای هەولێر ڕاگەیاندراوێکی بڵاوکردەوە و ڕایگەیاند "لە ٢٧ کانوونی یەکەم ٢٠٢٥، لە باڵەخانەکانی گوندی لوبنانی لە شاری هەولێر، هاوڵاتیەکی بە نەتەوە عەرەب بەناوی (نایف فاچل نایف ) لە لایەن دوو تۆمەتبار کە هاوڕێی خۆی بوون خرایە خوارەوە ، تاکو گەیەنرایە نەخۆشخانە گیانی لە دەست دا، دەست بەجێ لە لایەن تیمەکانمانەوە بە دواداچون کراو ناسنامەی تۆمەتبارەکان ئاشکرا کرا".
لە بارەی دەستگیرکردنی تۆمەتبارەکانەوە ئاسایش دەڵێت "دوای ئەوەی لە ڕێکەوتی ،٢٧-١٢-٢٠٢٥، دوای وەرگرتنی ڕەزامەندی بەڕێز دادوەری لێکۆڵینەوەی ئاسایشی هەولێر، بە هەماهەنگی لەگەڵ( بەڕێوەبەرایەتی ئاسایشی ئاکرێ / ئاسایشی قەزای بەردەڕەش) تۆمەتباری سەرەکیمان دەستگیر کرد، کە تاوانەکەی ئەنجامداوە بەناوی (ح ، ب ، أ )".
ئاسایش باس لەوەش دەکات کە تا ئێستا تۆمەتبارێکی دیکەی بەشدار لە تاوانەکە دەستگیر نەکراوە "تۆمەتبارێکی تر بە ناوی(خ ، م ، أ) کە بەشدارە لە ئەنجامدانی ئەم تاوانە لە ئێستادا هەڵهاتوە بۆ دەرەوەی هەرێمی کوردستان و لە لایەن دادگاوە فەرمانی دەستگیرکردنی بۆ دەرچووە، ڕێکاری یاسای گیراوەتە بەر و لێکۆڵینەوە بەردەوامە".