بەڕێوبەرایەتی پەروەردەی قەزای پێنجوێن بە هۆی دابەزینی پلەکانی گەرما بڕیاریدا سبەی لە قوتابخانەکانی قەزاکەیان بکرێتە پشوو.
شەممە ٣ کانوونی دووەم ٢٠٢٦، بەڕێوبەرایەتی پەروەردەی پێنجوێن بە هەماهەنگی لەگەڵ قایمقامی پێنجوێن و بەڕێوبەری گشتی پەروەردەی سلێمانی بڕیاریاندا لە پێناو سەلامەتی خوێندکاران و مامۆستایان ڕۆژی یەک شەممە، ٤ کانوونی دووەم ٢٠٢٦ لە سەرجەم ناوەندەکانی خوێندن لە قەزاکە پشووی فەرمی بێت.
پێشتریش لە بارەی دەوامی سبەی لە ناوەندەکانی خوێندنی هەریەک لە پەروەردەی ڕاپەڕین و شارەزوور و سۆران بڕیاری پشوویان ڕاگەیاندوە.
ئەم بڕیارانە لە کاتێکدایە کە شەپۆلێکی سەرما ڕووی لە ناوچەکە کردوە و پلەکانی گەرما لە هەندێک ناوچە نزیکی سفرن یاخود لە خوار سفرەوەن.