کەشناسێکی کورد ئاشکرای دەکات کە لە ١٠ی ئەم مانگەوە دووشەپۆلی باران و بەفربارین روو لە هەرێمی کوردستان دەکات و پلەکانی گەرما بەشێوەیەکی بەرچاو نزم دەبێتەوە.

ئاراس جەبار شارەزای کەشناسی بڵاویکردووەتەوە" پێشبینی ئەکەین لەسەرەتای هەفتەی داهاتوو بەدیاریکراوی رۆژی شەمە رێکەوتی ١٠ کانونی دووەم شەپۆلێکی باش و مامناوەندی بارانبارین سەرجەم ناوچەکانی هەرێمی کوردستان بگرێتەوە و لەگەڵ بارینی بەفر لە ناوچە شاخاویەکان کاریگەری ئەو شەپۆلە لەئەنجامی پاشماوەی نزمەپاڵەپەستۆیەکی بەهێزی جەمسەری باکورە کە لە رۆژانی داهاتوودا کاریگەری ئەبێت لەسەر وڵاتانی ئەوروپا بە نزمبوونەوەی بەرچاوی پلەکانی گەرما و شەپۆلێکی چری بەفر بارین پاشان لە باشوری ئەوروپاوە بەلاوازی ئەو نزمەپاڵەپەستۆیە بەرێی دەریای ناوەراستەوە لەگەڵ کاریگەری هاتنی شێەکی کەم لەدەریای سوورەوە ڕوودەکاتەوە هەرێمی کوردستان و وڵاتانی ناوچەکە ، وە لەدوو شەپۆل پێکدێت لە ١٠ تا رێکەوتی ١٤ بەردەوامی ئەبێت" .

ئاشکراشی کرددووە کە لەماوەی هەردوو شەپۆلەکە پێشبینی بارانێکی باش و مامناوەند لەسەرجەم ناوچەکان دەکرێت بەتایبەت لەناوچە شاخاویەکان رێژەی بەفر و بارانبارین زیاتر ئەبێت و لەناوچە شاخاویە بەرزەکانیش ئەگەری بارینی بەفرێکی زۆر دەبێت.