سەرۆک وەزیرانی ئیسرائیل، پەیامێکی ئاراستەی گەلی ئێران کرد و تێیدا هیوای خواست بەمزووانە لە ژێر دەسەڵاتی ئێستای وڵاتەکەیان ڕزگاریان بێت.
بنیامین نەتەنیاهۆ، لە کۆبوونەوەی حکومەتەکەیدا جەختی لەوە کردەوە کە لە پاش ڕوخانی ڕژێم، ئیسرائیل و ئێران دەبنەوە بە دوو هاوبەشی ستراتیژی.
وتیشی'' ئەو کاتە پێکەوە کاردەکەین بۆ بنیاتنانی ئایندەیەکی پڕ لە ئاشتی و خۆشگوزەرانی بۆ هەردوو گەل."
هاوکات لەگەڵ ئیسرائیل، بەرپرسانی ئەمریکاش پشتیوانی خۆیان بۆ داواکارییەکانی خەڵکی ئێران دەربڕیوە.
لە بەرامبەردا، تاران بە توندی ئەو هەڵوێستانە ڕەتدەکاتەوە و واشنتۆن و تەلئەبیب تۆمەتبار دەکات بەوەی دەستیان هەیە لە هاندانی خەڵک و دروستکردنی پشێوی لە ناوخۆی وڵاتەکەدا.
ئەم لە کاتێکدایە کە خۆپیشاندانی ناڕەزایەتییەکانی ئێران پێ دەنێتە ١٥یەمین ڕۆژی خۆیەوە.