لە ئیدارەی گەرمیانی سەر بە پارێزگای سلێمانی ژنێک بە هۆی سوتانەوە گیانی لە دەستدا بە وتەی دراوسێیەکیان "بە هۆی نەوت کردنە سۆپاوە ژنەکە ئاگری گرتوە و سوتاوە".
سێ شەممە، ١٣ کانوونی دووەم ٢٠٢٦، لە گەڕەکی ژاڵەی قەزای ڕزگاری سەر بە ئیدارەی گەرمیان، کاتژمێر ١١:٣٠ خولەکی پێش نیوەڕۆ، ژنێکی بە ڕەگەز عەرەب بە هۆی سووتانەوە گیانی لە دەستدا.
دراوسێیەکیان لە بارەی ڕوداوەکەوە بە میدیاکانی وتوە "من خەوتووبم، پیاوی ژنەکە لە دەرگایدا و وتی فریامان بکەوە سوتاین، دەرگاکەمان شکاند و دوكەڵ و ئاگرەکە زۆربوو، پیاوەکە بە ئاو ئاگرەکەی کوژاندەوە و ژنەکە سوتابوو و پیاوەکەش قاچی سووتاوە ".
بە پێی زانیارییەکان ئەو ژنە بە ڕەگەز عەرەبە و ماوەی ٥بۆ ٦ مانگە لەو گەڕەکە نیشتەجێن و دایکی دوو منداڵە.
لەسەر ڕووداوەکە تا ئێستا لایەنە پەیوەندیدارەکان هیچ ڕونکردنەوەیەکیان بڵاونەکردۆتەوە .