ئەم بەیانیە لە پارێزگای دهۆک هاوڵاتیان هەستیان بە بومەلەرزە کرد، بەڕێوبەرایەتی گشتی کەشناسی و بومەلەرزەزانی هەرێم دەڵیت "گوڕی بومەلەرزەکە ٣.٦ پلەی ڕێختەر بوە".
دوو شەممە، ١٩ کانوونی دووەم ٢٠٢٦، بەڕێوبەرایەتی گشتی کەشناسی و بومەلەرزەزانی هەرێم ڕایگەیاند "کاتژمێر ٧:٤٨:٥٢ چرکە، بومەلەرزیەک پارێزگای دهۆکی هەژاندوە، چەقی بومەلەرزەکە ٤.٦ کم لە سەنتەری شاردا بوە و بە قوڵی ١٢ کم و بە پلەی ڕێختەری ٣.٦".
بە پێی زانیارییەکان بومەلەرزەکە هیچ زیانێکی نەبوە و تەنها ترسی لای ئەو هاوڵاتیانە بەجێ هێشتوە کە هەستیان پێکردوە و بەخەبەربوون.