ئەنجوومەنی سووریای دیموکرات (مەسەدە) هۆشدارییەکی توند و بەپەلە دەربارەی دۆخی شاری کۆبانێ بڵاو دەکاتەوە.
مەسەدە ڕایدەگەیەنێت کە چەکدارە توندڕەوەکانی سەر بە حکوومەتی کاتی سووریا، هەڕەشەیەکی ڕاستەوخۆ و مەترسیداریان لەسەر شاری کۆبانێ دروست کردووە.
لە ڕاگەیەندراوەکەدا هاتووە کە ئەم هێرشانە بە ئاشکرا گەلی کورد و هێزە بەرگریکارەکانی ناوچەکە دەکەنە ئامانج.
مەسەدە بیری کۆمەڵگەی نێودەوڵەتی دەخاتەوە کە ئەم هێزانەی ئێستا هێرشیان دەکرێتە سەر، هەمان ئەو هێزانەن کە لە ڕیزی پێشەوەی شەڕی دژی تیرۆردا بوون و ڕۆڵی سەرەکی و یەکلاکەرەوەیان هەبوو لە تێکشکاندنی ئەفسانەی داعش و پاراستنی ئاسایشی ناوچەکە و هەموو جیهان.
ئاماژە بەوە دەکات کە ناوچەکە ئێستا شایەتی پەرەسەندنێکی مەترسیدارە، چونکە ئەو گرووپانەی هێرشەکان ئەنجام دەدەن، لەژێر چەتری "حکوومەتی کاتی"ی سووریادا کاردەکەن و هەڕەشەی جینۆسایدن بۆ سەر کورد و کۆبانێ.
لە کۆتایی ڕاگەیەندراوەکەدا، مەسەدە داوایەکی بەپەلە ئاڕاستەی کۆمەڵگەی نێودەوڵەتی و لایەنە پەیوەندیدارەکان دەکات بۆ ئەوەی دەستبەجێ سنوورێک بۆ ئەم هێرش و پێشێلکارییانە دابنێن. هۆشداریش دەدات کە بەردەوامی ئەم دۆخە نەک هەر دەبێتە هۆی تێکدانی سەقامگیری، بەڵکو دەرفەت بۆ دووبارە سەرهەڵدانەوەی مەترسییەکانی تیرۆ.