فەرماندەی گشتی هەسەدە، جەنەراڵ مەزڵوم عەبدی رایگەیاند " بەپێی ڕێککەوتنەکان، نابێت بەهیچ شێوەیەک هێزەکانی سوپای عەرەبی سووریا بێنە ناوچەکانی ئێمە."
لە چاوپێکەوتنێک لەگەڵ کەناڵی رۆناهی رۆژئاوای کوردستان مەزڵوم عەبدی فەرماندەی هێزەکانی سوریای دیموکرات کە شەوی ٢٥ ی کانوونی دووەم سازکرا، دەڵێت" ئێمە خوازیارین خۆمان هەرێمی كوردی بپارێزین."
فەرماندەی هەسەدە مکوڕی کورد لەسەر سەرکەوتنی گفتوگۆکان دەکاتەوەو دەڵێت" ئێمه ئامادەین له ماوەیەکی کورتی داهاتوودا ڕێککەوتننامەکه جێبەجێ بکەین و له سەر زۆر شت لێکتێگەیشتنمان هەیە".
لە بارەی کوبانێوە مەزڵوم عەبدی دەڵێت " ئێستا هەمان ڕۆحیەتی ئەوكاتە دەبینم كە كۆبانێ لە تیرۆرستان پاككرایەوە" هەروەها دەشڵێت" هەڵوێست و بەرخودانی خەڵكی كۆبانێ پاڵپشتی سەرەكیی ئێمەیە".
ئەوەشی ئاشکرا کرد کە تا ئێستا لە كۆبانێ پێشێلكاریی ئاگربەست لەلایەن هێزەكانی دیمەشقەوە دەكرێت.
ئەوەشی خستەڕوو کە ئەوان بۆ شەڕی چەکدارانی داعش لە دێرزوور و رەقەبوون.
لە بارەی رۆڵی سەرکردە کوردەکانی باشوورە وتی " سەرکردە سیاسییە کوردییەکان ئەمڕۆ هەموو لەگەڵ ڕۆژئاوان، لە سەرووی هەموویان سەرۆک بارزانی و نێچیرڤان بارزانی، سەرۆکی هەرێمی کوردستان".
لە بارەی هەڵوێستی بافڵ تاڵەبانییەوە، فەرماندەی هەسەدە دەڵێت" سوپاسی هەڵوێستی بافڵ جەلال تاڵەبانی و سەرکردەکانی باشوور دەکەین بۆ پشتیوانییان".