وەزارەتی دارایی و ئابوری حکومەتی هەرێمی کوردستان بڵاویکردەوە کە لیستی مووچەی مانگی کانوونی دووەمیان ڕەوانەی بەغداد کردوە.
سێ شەممە، ٢٧ کانوونی دووەم ٢٠٢٦، وەزارەتی دارایی و ئابوریی حکومەتی هەرێمی کوردستان ڕایگەیاند "لیستی مووچەی مانگی کانوونی دووەمی فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕەوانەی بەغدا کرا".
وەزارەتەکە ئاماژەی بەوە داوە، بڕیار وایە سبەی چوارشەممە لیستی مووچەی فەرمانبەران ڕادەستی فەرمانگەی ژمێریاری وەزارەتی دارایی حکومەتی فیدراڵ بکرێت.