کەجەکە ڕایگەیاند'' ئەندازیار نورەدین عیسا خانی وەک پارێزگاری فەرمی حەسەکە دەستنیشان کرا.''
نورەدین عیسا خانی یەکێکە لە کەسایەتییە دیارەکانی گەڕەکی خانیکای شاری قامیشلۆ و سلیلی بنەماڵەیەکی کوردستانی ڕەسەن و نەوەی فەیلەسوف و شاعیری گەورە ئەحمەدی خانییە.
ئەم کەسایەتییە لە ناوەندە جەماوەرییەکاندا وەک هێمایەکی نیشتمانی ناسراوە بەهۆی ئەوەی لە بنەماڵەیەکی تێکۆشەر و نیشتمانپەروەرە کە قوربانییەکی زۆریان لەپێناو خاکی کوردستاندا بەخشیوە، بەجۆرێک کە ناوبراو کوڕی شەهید و برای دوو شەهیدە و خاوەنی چەندین شەهیدی تری نزیکە کە خوێنی خۆیان لەپێناو ئازادیدا ڕشتووە.
کەجەکە دەڵێت'' دەستبەکاربوونی ئەندازیار نورەدین خانی لەم پۆستەدا وەک زامنکەری تەبایی و لێکتێگەیشتنی نێوان پێکهاتەکان دەبینرێت، چونکە هەمیشە وەک پردێکی پتەوی گەیاندنی برایەتی لە نێوان کورد و عەرەب لە پارێزگای حەسەکەدا ناسراوە و ڕۆڵێکی کاریگەری هەبووە لە پاراستنی یەکڕیزی و ئاشتی کۆمەڵایەتیدا.''