بە ئامانجی تاوتوێیکردن لەبارەی رێکارەکانی تایبەت بە تێکەڵکردنی ئەندامانی هێزەکانی هەسەدە لەناو دامەزراوەەکانی وەزارەتی بەرگریی سوریا، شاندێکی وەزارەتی بەرگریی سوریا گەیشتە حەسەکە.

رۆژی هەینی ٦ی شوبات بەڕێوەبەرایەتی ڕاگەیاندن و پەیوەندییەکان لە وەزارەتی بەرگریی سوریا بڵاویکردەوە" بە مەبەستی تاوتوێکردنی رێکارەکانی تایبەت بە تێکەڵکردنی ئەندامانی هێزەکانی سوریای دیموکراتە لەناو دامەزراوەەکانی وەزارەتی بەرگریی سوریا ، شاندێکی وەزارەتی بەرگریی سوریا گەیشتە شاری حەسەکە".

ئەوەشیخستەڕوو" ئەو هەنگاوانە لەچوارچێوەی جێبەجێکردنی بڕگەکانی ئەو ڕێککەوتنەیە کە لە نێوان حکومەتی سوریا و هەسەدە واژۆ کراوە ".

لە رۆژی ٣١ی کانونی دووەم دەقی رەشنووسی "ڕێککەوتنی هاوبەش" لە نێوان حکومەتی سوریا و هێزەکانی سوریای دیموکرات (هەسەدە) بڵاوکرایەوە، کە ئامانج لێی کۆتاییهێنانە بە گرژییەکان و رێکخستنەوەی پەیوەندییەکانی هەردوولایە لە چوارچێوەی دەوڵەتی سوریادا.

رەشنوسی رێککەوتنەکە بەمشێوەیە:https://www.speemedia.com/dreja.aspx?=hewal&jmare=150859&Jor=1