وتەبێژی یەکێتی نیشتمانی کوردستان، ڕاگەیاندراوێکی لە بارەی کۆبونەوەکەی ئەمڕۆی شاندی باڵای نێوان پارتی و یەکێتی بڵاوکردەوە و دەڵێت "کۆبونەوەیەکی ئەرێنی بوو ، بەڵام هیچ ڕێککەوتنێک نەکراوە".

چوار شەممە، ١١ شوبات ٢٠٢٦، کاروان گەزنەیی، وتەبێأی یەکێتی ڕایگەیاند "کۆبوونەوەیەکی ئەرێنی لەنێوان جەنابی کاک مەسعود بارزانی و جەنابی کاک بافڵ تاڵەبانی لەکەشێکی زۆر ئارام بەڕێوەچوو، لە کۆبوونەوەکەدا، پرسە هەنووکەییەکانی ئێستای هەرێمی کوردستان و عێراق و ناوچەکە گفتوگۆیان لەبارەوەکرا".

سەبارەت بە ئەنجامی کۆبونەوەکە وتەبێژەکەی یەکێتی وتویەتی "وێڕای ئەرێنی بوونی کۆبوونەوەکە، لە بەشێک لە میدیا و سۆشیال میدیاکان هەواڵی ڕێککەوتن لەسەر پۆستەکان بڵاو دەکرێنەوە، ئێمە بە فەرمی و سەرلەبەری ئەم دەنگۆیانە ڕەتدەکەینەوە، و هەر رێککەوتنێک ئەنجامبدرێت لەنێوان هەردوولا بەفەرمیی بۆرای گشتی بڵاوی دەکەینەوە".

ئەمڕۆ بۆ دووەم جار لە ماوەی دوو هەفتەدا شاندی باڵای پارتی بە سەرکردایەتی مەسعود بارزانی، سەرۆکی پارتی و بافڵ تاڵەبانی، سەرۆکی یەکێتی لە پیرمام کۆبونەوە.