سەرۆکی فەرەنسا، ئیمانوێل ماکرۆن، لە لێدوانێکدا بۆ K24 سەبارەت بە پێگەی کورد لە سوریا و پەیوەندییەکانی لەگەڵ مەزڵوم عەبدی کردوە و دەڵێت "پێویستە کورد لە بەڕێوبردنی حکومەتی سوریا رۆڵی هەبێت و پێویستە رێککەوتنی نێوان ئەحمەد شەرع و مەزڵووم عەبدی جێبەجێ بکرێت".

ئیمانوێل ماکرۆن، سەرۆکی فەرەنسا، پێنج شەممە، ١٢ شوبات ٢٠٢٦، ڕایگەیاند "چەند جارێک قسەم لەگەڵ مەزڵوم عەبدی کردووە و کاری باشمان بۆ رۆژئاوا کردووە و ئاگربەستی نێوان هەسەدە و حکوومەت بۆ ئاسایشی ناوچەکە گرنگە، کوڕان و کچانی قارەمانی کورد لە جیاتی ئێمە شەڕی تیرۆریان کرد".

هەروەها سەرۆکی فەرەنسا جەختیکردوەتەوە پێویستە هەسەدە تێکەڵ بە سوپای سوریا بکرێت.

سەرۆکی فەرەنسا ئاماژەی بەوەشکردوە، "پشتگیری سەروەری و یەکگرتویی سوریا دەکەین و لە نزیکەوە چاودێری دۆخی سوریا دەکەین".