ئەمڕۆ چاودێریی بینینی مانگی ڕەمەزان کرا و ئەوقاف زنجیرەیەک ڕێنمایی نوێی بە بۆنەی مانگی رەمەزانەوە بڵاوکردەوە.
وەزارەتی ئەوقاف و کاروباری ئایینیی هەرێمی کوردستان ئێوارە ی ئەمڕۆ سێشەممە (١٧ی شوبات) بە سەرپەرشتی لیژنەی باڵا، لە
ئەوقاف زنجیرەیەک ڕێنمایی نوێی بۆ ڕەمەزان بڵاوکردەوە.
سەرجەم پارێزگا و ئیدارە سەربەخۆکانەوە چاودێریی بینینی مانگی کرد و سبەی چوارشەممە وەکوو یەکەم ڕۆژی مانگی پیرۆزی ڕەمەزان دیاری کرا و ژمارەیەک رێنمایی بۆ مانگی رەمەزان دەرکرد.
گرنگترین ڕێنماییەکان بۆ مزگەوتەکان:
وەزارەتی ئەوقاف چەند بڕیارێکی نوێی بۆ ڕێکخستنی مەراسیمە ئایینییەکان دەرکردووە:
وتاری عەسران: دەبێت تەنیا ٢٠ خولەک بێت و تەنیا بە بڵندگۆی ناوخۆیی بێت (دەنگی نەدرێتە دەرەوەی مزگەوت). بابەتەکان دەبێت لەسەر پەروەردە، پێکەوەژیان و بەرەنگاربوونەوەی ماددە هۆشبەرەکان بن.
شەو نوێژ (قیام اللیل): تەنیا لە ١٠ شەوی کۆتایی ڕەمەزاندا دەرگای مزگەوتەکان تا کاتی بانگی بەیانی کراوە دەبن.
نوێژی تەراویح: تەنیا پێشنوێژ و گوتارخوێنی فەرمیی مزگەوت بۆی هەیە ئەنجامی بدات.
بانگدان: پێویستە هەموو مزگەوتەکان پابەندی سیستەمی یەکخستنی بانگ و خشتەی ئیمساکییەی فەرمی بن.
ڕێنماییە گشتییەکان بۆ بازار و دەزگاکان:
چێشتخانە و کافترییەکان: پێویستە حورمەتی مانگی ڕەمەزان بگرن و هەستی ڕۆژووەوانان بپارێزن.
فەرمانگە حکومییەکان: لە دامودەزگا فەرمییەکاندا هیچ جۆرە خواردن و خواردنەوەیەک پێشکەش ناکرێت.
کەناڵەکانی ڕاگەیاندن: نابێت هیچ بابەتێک بڵاوبکەنەوە کە لەگەڵ پیرۆزیی ئەم مانگەدا نەگونجێت.
زەکات و سەرفیترە
دیاریکردنی بڕی زەکات، سەرفیترە و فیدیە تەنیا لە دەسەڵاتی ئەنجومەنی باڵای فەتوای هەرێمی کوردستان دەبێت و پێویستە هاووڵاتیان پابەندی ئەو بڕە بن کە ڕادەگەیێندرێت.