بە پێی ئاگادارییەکی بەڕێوەبەرایەتی پۆلیسی پارێزگای
سلێمانی لە گەڕەکی سەرچنار تەرمێکی پیاوێک دۆزراوەتەوە و پۆلیس داوا لە هاوڵاتیان
دەکات هەر کەس دەیناسێت پەیوەندییان پێوەبکات.
دەقی ئاگادارییەکە:
ئاگاداریەک لەبەڕێوەبەرایەتی پۆلیسی پارێزگای سلێمانیەوە
ئاگاداری هاوڵاتیانی خۆشەویست دەکەین لەڕێکەوتی (٢٠٢٦/٢/٢٥)
تەرمێک دۆزراوەتەوە لەگەرەکی سەرچنار /چەق چەق نزیک ڕێستۆرانتی لاڤۆندا لەرەگەزی نێر
کەناوی نەزانراوە لەبەرئەوەی هیچ جۆرە پێناسێکی پێنیە رەنگی پێستی گەنم ڕەنگەو رەنگی
قژی سپی و رەشە (ماش و برنجی)یە وەرەنگی چاوی قاوەییەو باڵای مام ناوەندەو لاشەی کەمێک
لاوازە (زەعیفە) تەمەنی نزیکەی (٤٥-٥٠) ساڵێک دەبێت وەپانتۆڵێکی ڕەش و کراسێکی نیلی
لەبەردایە
هەرکەسێک زانیاری لەسەر ناوو ناونیشانی هەیە پەیوەندی بکات
بەبنکەی پۆلیسی سەرچنارەوە بەژمارە تەلەفۆنی (٠٥٣٣١٨٤٣٧٧) یان ئێشکگری بەڕێوەبەرایەتیمان
بەژمارە تەلەفۆنی (٠٥٣٣١٩٤٠١١)
راگەیاندنی بەڕێوەبەرایەتی پۆلیسی پارێزگای سلێمانی