شاسوار عه‌بدولواحید سه‌رۆكی‌ جوڵانه‌وه‌ی‌ نه‌وه‌ی‌ نوێ له‌ په‌یامێكی‌ ڤیدیۆییدا رایدەگەیەنێت کە سه‌رۆك وه‌زیرانی‌ عێراق دڵنیایی پێداوە كه‌ پاره‌كه بۆ هەرێم‌ ده‌نێرێت و مووچه‌ دێت.

سه‌رۆكی‌ جوڵانه‌وه‌ی‌ نه‌وه‌ی‌ نوێ له‌ په‌یامەکەیدا دەڵێت "فراكسیۆنه‌كه‌مان له‌ به‌غدا له‌سه‌ر مووچه‌ی‌ مانگی‌ سێ‌ قسه‌ی‌ له‌گه‌ڵ‌ سه‌رۆك وه‌زیرانی‌ عێراق كرد و وتویەتی مووچه‌ی‌ ئه‌م مانگه‌ش ده‌نێرین ئه‌گه‌ر كه‌موكوڕی‌ له‌ داهاتی‌ ناوخۆش هه‌بێت".

وتیشی "خوا ئه‌م ده‌سه‌ڵاتدارانه‌ بكات به‌ قوربانی‌ مووچه‌خۆران و هاوڵاتیانی‌ هه‌رێم، ئیشه‌ڵا مووچه‌ی‌ ئه‌م مانگه‌ و مووچه‌ی‌ مانگی‌ داهاتووش كێشه‌ی‌ نابێت."

ئاماژە بەوەش دەکات "خوای‌ گه‌وره‌ هاوكارمان بێت له‌ مانگه‌كانی‌ تریشدا كێشه‌ نابێت به‌رده‌وام فراكسیۆنه‌كه‌مان له‌ به‌غدا له‌سه‌ر خه‌ت بووه‌ بۆ ئه‌و بابه‌ته".