ئەمشەو ١٦ ی نیسان ئەنجومەنی پارێزگای کەرکوک بە کۆی ١٢ دەنگ لە ١٦ ئەندام، رازیبوون بە دەستلەکارکێشانەوە ڕێبوار تەها لە پارێزگاری کەرکوک و هەڵبژاردنی محەمەد سەنعان سەرۆک بەرەی تورکمانی وەک پارێزگاری نوێ.
دوای پرۆسەی هەڵبژاردنەکە، محەمەد حەلبوسی سەرکردەی سونەکان، سوپاسی بافڵ جەلال تاڵەبانی سەرۆکی یەکێتی کرد کە هاوکار و هەماهەنگ بووە بۆ پاراستنی ئەمنیەت و ئاسایشی پارێزگای کەرکوک بەبێ جیاوازی کردن لە نێوان نەتەوە جیاوازەکانی پارێزگاکە.
پارێزگاری نوێش، محەممەد سەمعان، لای خۆیەوە سوپاسی بافڵ جەلال تاڵەبانی و محەممەد حەلبووسی کرد کە متمانەیان پێ بخشیوە وەک پارێزگاری کەرکوک.
ئەحمەد كەركوكی، ئەندامی ئەنجومەنی پارێزگای كەركوك لەبارەی هەڵبژاردنی محمەد سەمعان، بە پارێزگاری كەركوك لە تۆڕی كۆمەڵایەتی نوسیویەتی " لەبەر ئەوەی سوێندم خواردبوو من دەنگم نەدا، کەمێکی دیکەش ڕوونکردنەوە دەدەم".
بەپێی رێککەوتنەکە ژمارەیەک کادیری یەکێتی لە پارێزگای کەرکوک پۆستی نوێ وەردەگرن لەوانە:
عدنان حسین: قائیمقامی داقوق
موئەید غازی: راویژکاری پارێزگار
ئاڤیستا محمد: قائیمقامی ناوشار
ئاوارەشەهید احمد: بەرێوبەری ناحیەی قەرەهنجیر
بریاری شوانی: راوێژکاری پارێزگار
تا ئێستا دیار نییە سەرۆکی بەرەی تورکمانی بۆ ماوەی چەند پارێزگار دەبێت.
ئەو کادیرانەی یەکێتی کە پۆست وەردەگرن بەپێی رێککەوتنی نێوان یەکیتی و بەرەی تورکمانی.