لە سلێمانی وێڕای ئەوەی هاووڵاتییان گلەییان لە کەمی غاز هەیە کە وەک پێویست بەریان ناکەوێت، سەرۆکی ئەنجومەنی کارگەکانی غاز ئاشکرای دەکات کە بەشە غاز بۆ دوو هێندە زیادی کردووە و ئەگەر جەنگ دەستپێنەکاتەوە لە سەری مانگەوە غاز بەبێ فۆڕمی خۆراک بەسەر هاووڵاتییان دابەش دەکەن.
کۆچەر تاهیر، سەرۆكی ئەنجومەنی كارگەكانی غازی لە شاری سلێمانی رایگەیاند: "پێش جەنگ و ئاڵۆزییەکانی ناوچەکە ١٢٠ تەن غاز لەناو سلێمانی دابەشدەکرا بەڵام لە ئێستادا بۆ ١٤٠ تەن زیادکراوە و بڕیاریشە لە سبەینێوە بۆ ١٦٠ تەن زیاد بکرێت”.
ئاماژەی بۆ ئەوەشکرد، "ئەمڕۆ لە ناو شاری سلێمانی ٣٥ هەزار بتڵی غاز بە کۆبۆنی خۆراک دابەش دەکەن و لە رۆژانی داهاتووشدا ٢٠ هەزار بتڵ دابەش دەکەن، ئەگەر جەنگ دەستپێنەکاتەوە لە سەری مانگەوە بەبێ کۆبۆن غاز بۆ هاووڵاتییان وەک رابردوو بەردەست دەبێت”.