وەزارەتی پەروەردەی حکومەتی هەرێمی کوردستان، ساڵنامەی خوێندنی بۆ ساڵی ٢٠٢٥-٢٠٢٦ هەموار کردەوە و خشتەی نوێی تاقیکردنەوەکانی کۆتایی وەرزی دووەم و خولی دووەمی بۆ سەرجەم ناوەندەکانی خوێندنی حکومی و ناحکومی (سیستەمی وەزارەت) ڕاگەیاند.

بەپێی نووسراوێکی فەرمی بەڕێوەبەرایەتی گشتی تاقیکردنەوەکان کە ئاراستەی سەرجەم بەڕێوەبەرایەتییە گشتییەکانی پەروەردە لە پارێزگا و ئیدارە سەربەخۆکان کراوە، خشتەی تاقیکردنەوەکان بەم شێوەیە دەبێت:

یەکەم: ناوەندەکانی خوێندن

هەڵسەنگاندنی چوارەمی بازنەی یەکەم (پۆلەکانی ١، ٢، ٣ـی بنەڕەتی): لە ڕێکەوتی ٣ـی ٥ی ٢٠٢٦ تاوەکو ٦ـی ٥ی ٢٠٢٦ ئەنجام دەدرێت.

تاقیکردنەوەکانی کۆتایی وەرزی دووەمی پۆلە ناکۆتاکان: لە ڕێکەوتی ١٠ـی ٥ی ٢٠٢٦ دەستپێدەکات و تاوەکو ٢٠ـی ٥ی ٢٠٢٦ بەردەوام دەبێت.

تاقیکردنەوەی کرداریی قۆناغی ئامادەیی پیشەیی: لە نێوان ٥ بۆ ٧ـی ٥ی ٢٠٢٦ بەڕێوەدەچێت.

تاقیکردنەوەکانی خولی دووەمی پۆلە ناکۆتاکان: لە ڕێکەوتی ١٥ـی ٦ی ٢٠٢٦ تاوەکو ١ـی ٧ی ٢٠٢٦ ئەنجام دەدرێت.

دووەم: پەیمانگاکان

تاقیکردنەوەی کۆتایی ساڵی خولی یەکەم: لە ٩ـی ٦ی ٢٠٢٦ تاوەکو ٢٠ـی ٦ی ٢٠٢٦ دەبێت.

تاقیکردنەوەی کۆتایی ساڵی خولی دووەم: لە ١٤ـی ٧ی ٢٠٢٦ تاوەکو ٢٣ـی ٧ی ٢٠٢٦ بەڕێوەدەچێت.