بافڵ‌ تاڵه‌بانی‌ سه‌رۆكی‌ یه‌كێتیی نیشتمانیی كوردستان له‌ به‌غدا سه‌ردانی‌ فراكسیۆنی‌ نه‌وه‌ی‌ نوێی له‌ په‌رله‌مانی‌ عێراق كرد و له‌ لێدوانێكدا بۆ كه‌ناڵی‌ ئێن ئاڕ تی‌ وتی‌، "له‌گه‌ڵ‌ نه‌وه‌ی‌ نوێ رێككه‌وتنمان هه‌یه‌ و ئیشه‌ڵا له‌م رۆژانه‌دا رێككه‌وتنه‌كه‌ ئیمزا ده‌كه‌ین".

وتیشی، "هاتووین سوپاسیان بكه‌ین و بزانین چیمان پێویسته‌ له‌ یه‌كتری و له‌هه‌موو شوێنێك پێكه‌وه‌ ئیش ده‌كه‌ین".

مانگی یەكی ئەمساڵ نەوەی نوێ و یەكێتی هاوپەیمانییەتییەكیان پێكهێناوە و داوایان لە لایەنەكانی تریش كرد بێنە ناو هاوپەیمانییەتییەكەیانەوە، بەڵام كەس بە دەمیانەوە نەهات.