بەرپرسێکی هێزی دەریایی
سوپای پاسدارانی ئێران رایگەیاند، لە دوێنێ شەوەوە رێگەیان بە ٣٠ کەشتی داوە بە گەرووی
هورمزدا تێپەڕ بن، بەڵام جەختی کردەوە هێشتا رێگری لەو کەشتییانە دەکرێت کە سەر بە
دوژمنن.
پێنجشەممە ١٤ی ئایاری ٢٠٢٦،
تەلەفزیۆنی فەرمی ئێران لە زاری بەرپرسێکی هێزی دەریایی سوپای پاسدارانەوە بڵاویکردەوە
کە ئێران لە دوێنێ شەوەوە رێگەی بە ٣٠ کەشتی داوە بە گەرووی هورمزدا تێپەڕ بن.
وتیشی: "هەڵوێستی
ئێران بەرانبەر بە کەشتیی دوژمنان نەگۆڕاوە و رێگەیان پێنادرێت لە گەرووی هورمز تێپەڕ
بن"، بەبێ ئەوەی وردەکاری زیاتر لەسەر جۆری کەشتییەکان یان وڵاتەکانیان
ئاشکرا بکات.
لەلایەکی دیکەوە،
ئاژانسی "بلومبێرگ" رایگەیاند، لە رۆژی یەکشەممەی رابردووەوە ٩ کەشتی بارهەڵگری نەوت و گاز بە گەرووی هورمزدا تێپەڕ
بوون، ئاماژەی بەوەش کرد، هەندێک لەو کەشتییانە هێشتا لە ناو هێڵی گەمارۆی ئەمریکادان
کە لە گەرووەکەدا سەپێنراوە.