سەرۆکایەتی کارەسات و فریاکەوتنی تورکیا (ئافاد) رایگەیاند، بەیانی ئەمڕۆ بوومەلەرزەیەک بە گوڕی ٥.٦ پلە بە پێوەری رێختەر شارەدێی "بەتاڵگازی" سەر بە پارێزگای مەڵەتی هەژاندووە، بەڵام تا ئێستا هیچ زیانێکی گیانیی و ماددی رانەگەیەندراوە.

بەپێی راگەیەندراوە فەرمییەکەی ئافاد، بوومەلەرزەکە ئەمڕۆ چوارشەممە، ٢٠ی ئایاری ٢٠٢٦، لە کاتژمێر ٩:٠٠ی بەیانی ئەمڕۆ لە شارەدێی ناحیەی بەتاڵگازی لە مەڵەتی روویداوە. بەهۆی بەهێزیی گوڕەکەیەوە، دانیشتوانی پارێزگاکانی سەمسور، خارپێت، دێرسیم و ئورفا هەستیان پێکردوە.

ئافاد لە رێگەی هەژمارە فەرمییەکانی لە تۆڕە کۆمەڵایەتییەکاندا هاوڵاتیانی دڵنیاکردووەتەوە و رایگەیاندووە، "له‌ ئێستا هیچ زیانێکی گیانی و ماددی بەهۆی بوومەلەرزەکەوە تۆمار نەکراوە. تیمەکانمان بەردەوامن لە کارەکانیان بۆ پشکنیینی وردتری ناوچەکە."