ئەمڕۆ شەممە، ٢٣ی ئایاری ٢٠٢٦، نەبەز رەفعەت، راوێژکاری وەزارەتی کشتوکاڵ و سەرچاوەکانی ئاو لە حکومەتی هەرێمی کوردستان، هۆکارەکانی گرانبوونی نرخی گۆشتی لە هەرێم ئاشکراکرد.

ناوبراو سەبارەت بە گرانبوونی نرخی گۆشت، ئاماژەی بەوە کرد، داخستنی هەندێک سنوور و فڕۆکەخانە و کەمبوونەوەی خەزێنەی ئاژەڵ لە ناوچەکەدا، بووەتە هۆی بەرزبوونەوەی نرخ و زیادبوونی خواست لەسەر گۆشتی بەستووی هاوردە وەک جێگرەوەیەک.

لە چەند ڕۆژی ڕابردوودا، نرخی کیلۆیەک گۆشتی سوور لە بازاڕەکانی هەرێم (بەتایبەت سلێمانی و هەولێر) بەرز بووەو گەیشتە نێوان ٢٢,٠٠٠ بۆ ٢٤,٠٠٠ دینار. ئەمەش بووە هۆی نیگەرانی و ناڕەزایەتییەکی زۆری هاوڵاتییان لە تۆڕە کۆمەڵایەتییەکاندا.