وتەبێژی هاتووچۆی گەرمیان، موقەمان سامان عەلی لە لێدوانێکدا بۆ میدیاکان دەڵێت "لەکاتژمێر ١٠:٠٠ ـی بەیانیی ئەمڕۆوە کامێراکان بە فەرمی سەرپێچی تۆمار دەکەن، داواکارین شۆفێران پابەندی خێرایی رێگەپێدراو بن".
یەک شەممە، ٧ حوزەیردان ٢٠٢٦، وتەبێژی هاتووچۆی گەرمیان رایگەیاند "خێرایی لە رێگای کەلار – کفری ١٠٠ کیلۆمەترە لە کاتژمێرێکدا، بەڵام لە گوندەکان دەبێتە ٦٠ کیلۆمەتر و نزیک قەزای رزگاریش بەرزترین خێرایی رێگەپێدراو دەبێتە ٨٠ کیلۆمەتر لە کاتژمێرێکدا".
"کامێرای خاڵ بۆ خاڵ لەنێوان کەلار و دەربەندیخانیش زۆرینەی کارەکانی کراوە و تەنیا دەستبەکاربوونی ماوە، تاوەکو کۆتایی ئەم ساڵ لەو رێگەیەش دەخرێتە کار"، موقەمان سامان عەلی وا دەڵێت.
دووسایدکردنی رێگای نێوان قەزاکانی کفری و کەلار، ساڵی ٢٠٢٤ تەواوبوە درێژییەکەی ٤٢ کیلۆمەترە، بۆ هەر سایدێکی ٨ کامێرا دانراوە.