بە هۆی شەڕ و پێکدادانێک لە نێوان هێزەکانی سوپای پاسداران و ئەندامانی یەکێک لە حیزبەکانی رۆژهەڵاتی کوردستان، زیاتر لە شەش پاسدار کوژراون و ژمارەیەکیش بریندار بوون.

بە پێی هەواڵی پەیج و میدیاکانی رۆژهەڵاتی کوردستان، ئێوارەی ئەمڕۆ هەینی لە بازگەی دەروازەی شاری بانە بەرەو سەقز لە رۆژهەڵاتی کوردستان، شەڕە تەقە لەنێوان ژمارەیەک لە هێزەکانی حیزبێکی رۆژهەڵات و هێزەکانی سوپای پاسداران روویدا کە بەپێی زانیارییەکان لە شەڕەدا ٦ پاسدار کوژراون و ٥ی دیکەش بریندار بوون.

بە پێی هەواڵەکە لە دوای شەڕەکە ڕێوشوێنی توندی ئەمنی لە ناوچەکە گیراوەتەبەر.

تا ئێستا هیچ یەک لە حیزبەکانی رۆژهەڵات باسیان لەم شەڕ و پێکدادانە نەکردوە.