هۆشیار عهبدوڵا سهرۆکی فراکسیۆنی گۆڕان له پهرلهمانی عێراق وهک بهرگریکردنێک له وهزیرهکان و پهرلهمانتارانی گۆڕان دهستی کرد به ههڕهشه کردن له ههردوو حیزب و یزێکیان به بێ ناوهێنانی به به دوروو ترسنۆک ناوزهد دهکات.
له پهیجی تایبهتی خۆی له تۆڕی کۆمهڵایهتی فهیس بووک هۆشیار عهبدوڵا له وتارێکدا بهناوی ( قسهیهک که ناکرێت چیتر بیخۆمهوه دهڵێت" کە دەگەڕێینەوە کوردستان دۆخێکی سەیر و پڕ لە موزایەدەکاری ئەبینین بە تایبەتیش موزایەدە کردن لەسەر گۆڕان و هەوڵدان بۆ لێدان لە شکۆی وەزیر و پەرلەمانتارەکانی کوردستانی گۆڕان، دۆخەکە وای لێهاتوە ئەوانەی تا دوێنی بە هۆی حیزبەوە دکتۆرایان ئەخوێند و ئامادەبون حەرەمی زانکۆ و خوێندنیش ئەتک بکەن لەو دۆخە هەستیار و خراپەی عێراق و ناوچەکەدا دێن و بێ ئاگایانە لەو مەترسیانەی دەوری ناوچەکەیان داوە قسەی پڕ باقوبریق فڕێ ئەدەن، دۆخێک کە ناتوانی بێدەنگ بیت لێی".
لهبڕگهیهکی تری وتارهکهیدا ناوبراو که پێشتر بهڕێوهبهری کهی ئێن ئێن بوو دهڵێت" خۆ ئەگەر باسی بێ موچەیی و بێ پارەیی دەکەن ئاسانە بڵێین برۆن پارەی ژێرزەمینەکانی کە خۆتان دانتان پێدانا بیهێننەوە با بیدەین بە خەڵک ، ئاسانە بڵێین موازەنەی زەبەلاحی دوای ۲٠٠٤ تا ۲٠۱٤تان چی لێکردوە .ئاسان بوو بۆ نەوشیروان مستەفا کاتێک بەشدایمان کرد لە حکومەت و کەوتین بەسەر دونیایەک کێشەی گەورە گەورە کشانەوەی خۆی لە حکومەت را بگەیاندبایە و بە یەک جوملەش پاساوی ئەو کشانەوەی بەوە دابایەوە کە دەسەڵاتدای لەسەر داروپەردویەکی گەندەڵ و بۆش ناکرێ بەڵام گۆڕان ئەوەی نەکرد و لە هەموو ئاستەکان بەرپرسانە قۆڵی لێهەڵماڵی" .
دهقی وتارهکه
قسەیەک کە ناکرێ چیتر بیخۆمەوە ..
لە دوای ئەو ئەرکەی وەک نوێنەر لە بەغداد پێم سپێردرا بە تایبەتیش سەرۆکی فراکسێۆنی گۆڕان هەوڵمداوە زۆر لەو نەفەسە حیزبیە دور بکەومەوە کە لە کوردستان بەردەوام گەرمە، هەموو هاورێکانم لە تێکرای فراکسێۆنەکان شایەتی ئەوە ئەدەن چۆن دور لەو حەساسیەتە هەندێ جار هەوڵی رەواندنەوەی حەساسیەتی نێوان لایەنەکانی تریشمان داوە، لە کاتێکا من لەو دەنگانە بوم لە پێنج ساڵی رابردوودا بە شانازیشەوە زۆرترین شەری سیاسی و ئیعلامی و قانونیم بۆ گۆڕان کردوە و لێشی پەشیمان نیم و تا ئێستاش ۱٠ داوای یاساییم لەسەرە .
کە دەگەڕێینەوە کوردستان دۆخێکی سەیر و پڕ لە موزایەدەکاری ئەبینین بە تایبەتیش موزایەدە کردن لەسەر گۆڕان و هەوڵدان بۆ لێدان لە شکۆی وەزیر و پەرلەمانتارەکانی کوردستانی گۆڕان، دۆخەکە وای لێهاتوە ئەوانەی تا دوێنی بە هۆی حیزبەوە دکتۆرایان ئەخوێند و ئامادەبون حەرەمی زانکۆ و خوێندنیش ئەتک بکەن لەو دۆخە هەستیار و خراپەی عێراق و ناوچەکەدا دێن و بێ ئاگایانە لەو مەترسیانەی دەوری ناوچەکەیان داوە قسەی پڕ باقوبریق فڕێ ئەدەن، دۆخێک کە ناتوانی بێدەنگ بیت لێی.
ئەو ماوەیە بەردەوام رێنمایی نەوشیروان مستەفا و دامەزراوەکانی گۆران ئەوە بوە کە لە ئاست هەستیاری دۆخەکە مامەڵە بکەین چونکە ئێستا ئیدی ناوچەکە و عێراق کراوەیە بە روی گۆڕان و مەترسی گەورەدا .
خۆ ئەگەر ئەو بەرپرسیارانە مامەڵەکردنە نەبێت ئاسان بوو لە سەر شەنگار بیکەین بە هەرایەک ئەو سەری دیار نەبێت و بەڵام مانای ئەوە نیە ئاگامان لە شکست و فەزیحەکانی قۆڵی جەلەولا و ئەولاش نەبێ ( مێژوو زۆر روداو بۆ سەردەمێک دا دەپۆشێ بەڵام مانای ئەوە نیە ئیدی تا ئەبەد شاراوە ئەبن).
خۆ ئەگەر باسی بێ موچەیی و بێ پارەیی دەکەن ئاسانە بڵێین برۆن پارەی ژێرزەمینەکانی کە خۆتان دانتان پێدانا بیهێننەوە با بیدەین بە خەڵک ، ئاسانە بڵێین موازەنەی زەبەلاحی دوای ۲٠٠٤ تا ۲٠۱٤تان چی لێکردوە .
ئاسان بوو بۆ نەوشیروان مستەفا کاتێک بەشدایمان کرد لە حکومەت و کەوتین بەسەر دونیایەک کێشەی گەورە گەورە کشانەوەی خۆی لە حکومەت را بگەیاندبایە و بە یەک جوملەش پاساوی ئەو کشانەوەی بەوە دابایەوە کە دەسەڵاتدای لەسەر داروپەردویەکی گەندەڵ و بۆش ناکرێ بەڵام گۆڕان ئەوەی نەکرد و لە هەموو ئاستەکان بەرپرسانە قۆڵی لێهەڵماڵی .
هەموو داتا و زانیاریەکانی کاسە چۆڵەکانی وەزارەتی دارایمان لایە رۆژێکیش دێت هەڵیان ئەدەینەوە ئێستا ئەرکەکان شتی گرنگتر و گرانترن .
دۆخە پڕ کارەساتەکەی پێشمەرگەمان لایە کاتێک وەزارەتمان وەرگرتوە چۆن بوە و ئێمە نە بوینایە کارەساتی گەورە هەر بە هۆی موراهەقەی بەعزێ لە نابەرپرسانی یەکێتی و پارتی بە شایەتی بەرپرسانی ئەو دوو حیزبە خۆی روی ئەدا.
باسی سەرۆکی پەرلەمانەکەی ئێمە و سەردەمی گۆڕان دەکەن ، راستی ئێمە پێمان وایە لە شەئنی خۆمان کەم دەکەینەوە کە بەراوردی ئەدائی گۆڕان و غەیری گۆران بکەین لە سەرۆکایەتیکردنی پەرلەمانا وەلێ مانای ئەوە نیە زانیاری و فەزیحەکانی لای ئێمە و مەوقیفەکانیش لای خەڵک رون و جیاواز نەبن تا دەرەجەی ئاسمان و رێسمان .
من دەزانم کە ئەوانەی ئەو نەفەسە حیزبیە گەرم دەکەن گروپێکی بچوکن کە حەزیان لە بازاڕی ئاشوبە ئەگەر نا خۆزگە یەک جار ئەهاتن بۆ بەغداد و گوێیان لە توندرەوەکانی عەرەب ئەگرت لەسەر کورد بزانن فەرق لە نێوان گۆڕان و پارتی و یەکێتیدا دەکەن!؟ .
قەت وەک ئێستا لە ناو روداوەکانی عێراق و دیوی ناوەوەی روردەکاریەکانی نەژیاوم بۆیە دەڵێم گرنگە هەمومان هەوڵبدەین لەو دۆخە گەلی کوردستان بە کەمترین زیان ببەینە دەرەوە و نزیک ببینەوە لە قۆناغێکی بەرەوپێشتری سیاسی هەرێم .
مەسەلەی موچە و پشکی هەرێم و سیاسەتی ئیعتیماد لەسەرخۆمان و بە وریایی گەمە کردن لەگەڵ تەڵە هەرێمایەتیەکان گرنگە، ئەوە گرنگە کوردستان روبەروی خەتەری گەورە و ترازانی گەورە نەکەینەوە ، ئەوە گرنگە کوردستان نەکەینە جێگەی تەراتێنی دژمنانی کورد.
ئێستا خۆ ئەگەر دروشمبازی و موزایەدەکاری بەردەوام بێ بە دڵنیاییەوە تا سەر بێدەنگ نابین .
یاخود ئەبێت هێزێک جورئەتی ئەوەی هەبێت بڵێت من بەشێک نیم لە حکومەت و برواتە سەر کورسی ئۆپۆزسێۆن ئەو کاتە چی دەڵێت ئازادە، یان چیتر ئەو دوو روییە پر ترسنۆکی و جەبانیە تەحەمول ناکرێ .
گۆڕان بە دروشم و وەعدی چونە دەسەڵات ۲٤ کورسی بێ تەزویری هێناوە و ئێستاش راستگۆیانە بەشێکە لەدەسەڵات و دوای ئەو خولەش و بۆ هەڵبژاردنێکی تر ئەو وەڵامەی بۆ خەڵک پێ دەبێت کە چی پێکراوە و چی پێنەکراوە بەڵام بۆچی پێشی نەکراوە .
پێشم وایە دەبێ بەزویی وەزیرەکانی گۆڕان بەتایبەت وەزیری داریی قسە بکەن و هەموو داتا زانیاریەکان بۆ هاوڵاتیان رون بکەنەوە .
من لەگەڵ هەموو رەخنەیەکی خەڵک و جادەدام و ئەسڵەن ئەو شەقامە هۆشیارە نەبێت گۆڕانیش نامێنێت ، رەخنەی خەڵک و توڕەیی خەڵک و داواکردنی موچە و هاوارکردن و هەموو شتێکیان پیرۆزە ، هاوڵاتی هەر ئینتیمایەکی هەبێت کادری هەر حیزبێک بێت بۆی هەیە دەست بکات بە چاوی بەرپرسانا، لە غیابی ئۆپۆزسۆنیشدا شەقام زیندوو نەبێ کارەساتە بۆ وڵات و یەکێکم لە وانەی هانی هەموو جۆرە فشارێک ئەدەم .
بەڵام گرنگە شەقامیش موزایەدە لە هیچ لایەنێکی دەسەلات قبول نەکات هیچ لایەنێک جا گۆڕان بێ یان پارتی یان یەکێتی یان یەکگرتوو و کۆمەڵ.