وەزیری خوێندنی باڵا و توێژینەوەی زانستی، د. ئارام محەمەد قادر لە راگەیاندراوێکی بڕیای دوورخستەنەوەی د.عەبدولەتیف ئەحمەدی دا.
چوار شەممە، ١ تەمووز ٢٠٢٦، لە راگەیاندراوەکەدا هاتووە "ئاماژە بە نووسراوی سەرۆکایەتی زانکۆی سلێمانی ژمارە (٨٩٠/٢١) لە ڕێکەوتی (٢٠٢٦/٦/٢٤) و دوا بەدوای نووسراومان ژمارە (١٣٣٥) لە ڕێکەوتی (٢٠٢٦/٦/٢٨) هەروەها ئاماژە بە نووسراوی دووەمی زانکۆی سلێمانی ژمارە (٩٣٤/٢٨) لە ڕێکەوتی (٢٠٢٦/٧/١) تایبەت بە ئەنجامی لیژنەی لێکۆڵینەوەی کەیسی (د. عەبدوللەتیف ئەحمەد مستەفا) مامۆستا لە کۆلێژی زانستە ئیسلامییەکان/ زانکۆی سلێمانی، کە بە فەرمانی زانکۆی ژمارە (٨٦٥/٢٤) لە ڕێکەوتی (٢٠٢٦/٦/١٨) پێکهێنراوە و بە ئامادەبوونی بەڕێز نوێنەری داواکاری گشتی، پاشپشت بە ماددەی (٤) برگەی ٨ و ٩ لە یاسای بەرزەفتی فەرمانبەرانی دەوڵەت ژمارە (١٤) ی ساڵی (١٩٩١) بەپێی ئەوە دەسەڵاتەی کە پێماندراوە بڕیارمانداوە".
سەبارەت بە سزاکە باس لەوەکراوە کە " پێدانی سزای العزل (دوورخستنەوەی هەتا هەتایی) بە د. عەبدوللەتیف ئەحمەد مستەفا مامۆستا لە کۆلێژی زانستە ئیسلامییەکان/ زانکۆی سلێمانی، پاشپشت بە هەمان یاسای ئاماژە پێکراوی سەرەوە ماددەی (٨) برگەی".
عەبدولەتیف ئەحمەد (عەبدولەتیف سەلەفی) رێبەری رەوتی سەلەفی لە هەرێمی کوردستانە و مامۆستای زانکۆبوو، دوای ئەوەی چەند تۆمارێکی نوسراو و دەنگی بڵاوکرایەوە کە پەیوەندی لەگەڵ خوێندکارەکانی خۆی لە زانک دادەنێت و "گێچەڵ بە خوێندکارەکانی" دەکات، لیژنەیەک پێکهات بۆ لێکۆڵینەوە لە راستی بابەتەکە و ئەم بڕیارەی وەزیری خوێندنی باڵا لەو چوارچێوەدایە.
وێنەیەک لە بڕیارەکە: