وتەبێژی پۆلیسی هەولێر، موقەدەم کیفاح حەسەن لە لێدوانێکی رۆژنامەوانیدا سەبارەت بە کەوتنەخوارەوەی کچێکی گەنج لە شوقەکانی گەنجان لایف زانیاری خستۆتە روو.
شەممە، ٤ تەمووز ٢٠٢٦، وتەبێژی پۆلیسی هەولێر رایگەیاند "کچەکە عەرەبە و لە نهۆمی چوارەمی یەکێک لە باڵەخانەکانی پڕۆژەی نیشتەجێبوونی گەنجان لایف خۆی خستووەتە خوارەوە و گیانی لەدەستداوە".
وتەبێژی پۆلیس لە بارەی ناسنامەی قوربانیەکەوە وتویەتی "خۆی ناوی عەزرا فارس رەزووقییە و لەدایکبووی ١٩٩٨ـە و نیوەڕۆی دوێنێ خۆی خستووەتە خوارەوە".
لە ئێستادا تەرمی کچەکە رەوانەی پزیشکیی دادی هەولێر کراوە و پۆلیس لێکۆڵینەوەی لە رووداوەکە دەستپێکردووە.