بەپێی پێشبینییەکانی بەڕێوەبەرایەتی گشتی کەشوهەوا و بوومەلەرزەزانی
هەرێم، بۆ ٤٨ کاتژمێری داهاتوو ئاسمانی سەرجەم ناوچەکان بە ساماڵی و گەرمی دەمێنێتەوە،
هاوکات پلەکانی گەرما ڕوو لە بەرزبوونەوەی زیاتر دەکەن.
ئەمڕۆ یەکشەممە ١٢ی تەموز، ئاسمان بە گشتی ساماڵ و گەرم دەبێت.
پلەکانی گەرما بە بەراورد بە ڕۆژانی ڕابردوو بە (٢-٣) پلەی سیلیزی بەرز دەبنەوە.
ئاراستەی با بەرەو باکووری ڕۆژهەڵات دەبێت و خێراتی با لەسەرخۆ دەبێت کە لە نێوان
(٥-١٠) کیلۆمەتر لە کاتژمێرێکدا دەبێت، هەروەها مەودای بینین لە نێوان (٨ – ٩) کیلۆمەتردایە.
بەرزترین پلەکانی گەرمای پێشبینیکراو بۆ ئەمڕۆ بە سیلیزی:
هەولێر: ٤٤
پیرمام: ٤٠
سلێمانی: ٤٣
هەڵەبجە: ٤٥
چەمچەماڵ: ٤٤
دهۆک: ٤٣
زاخۆ: ٤٤
ئاکرێ: ٤٥
گەرمیان: ٤٨
حاجی ئۆمەران: ٣٥
بۆ سبەینێ دووشەممە، پێشبینی دەکرێت ئاسمان بە هاوشێوەی ئەمڕۆ
ساماڵ و گەرم بێت، بەڵام پلەکانی گەرما کەمێکی تریش ڕوو لە بەرزبوونەوە دەکەن.
ئاراستەی با وەک خۆی بە باکووری ڕۆژهەڵات دەمێنێتەوە و خێرايی با لەسەرخۆ دەبێت کە
لە نێوان (١٠-١٠) کیلۆمەتر لە کاتژمێرێکدا دەبێت. مەودای بینینیش کەمێک باشتر دەبێت
و دەگاتە نێوان (٩ – ١٠) کیلۆمەتر.
بەرزترین پلەکانی گەرمای پێشبینیکراو بۆ سبەی بە سیلیزی:
هەولێر: ٤٥
پیرمام: ٤١
سلێمانی: ٤٤
هەڵەبجە: ٤٦
چەمچەماڵ: ٤٥
دهۆک: ٤٣
زاخۆ: ٤٤
ئاکرێ: ٤٦
گەرمیان: ٤٩
حاجی ئۆمەران: ٣٦