بەرێوبەرایەتی سایلۆی هەولێر ئاگادارییەکی بۆ جوتیارانی سنووری گوێر و دیبەگە بڵاوکردەوە و لە وەرگرتنی گەنمەکانیان لەم هەفتەیەدا ئاگاداری کردوونەتەوە.

ئەمڕۆ یەکشەممە ١٢ی تەموز، سایلۆی هەولێر لە راگەیەندراوێکدا رایگەیاند: بڕیارە سبەینێ دووشەممە ١٣ی تەموز، پرۆسەی وەرگرتنی گەنم بۆ ئەو جوتیارانە دەستپێبکات کە نۆرەکانیان دەکەوێتە رۆژانی ١٣، ١٤ و ١٥ی ئەم مانگە.

سایلۆی هەولێر داواشی لەو جووتیارانە کرد لە کاتی دیاریکراودا سەردانی سایلۆی هەولێر بکەن بە مەبەستی رادەستکردنی بەرهەمەکانیان.

باسی لەوەشکردووە: لە ئێستا سیستمی نۆرەگرتن کراوەیە بۆ ئەو جووتیارانەی کە تا ئێستا نۆرەیان نەگرتووە و دەتوانن ناوی خۆیان تۆمار بکەن.

هاوکات پرۆسەی وەرگرتنی گەنمی جوتیاران لە سایلۆکانی هەرێمی کوردستان بەردەوامیی هەیە و بەپێی دوایین ئامارەکان تا رۆژی هەینی ١٠ی تەموزی ٢٠٢٦، بڕی گشتیی گەنمی وەرگیراو گەیشتووەتە ٣٣٢ هەزار و ٩١٠ تۆن، ئەو بڕە گەنمە دەکاتە دەکاتە رێژەی ٨٦%.