لیژنەی بەرەنگاربوونەوەی گەندەڵی لە عێراق بە سەرۆکایەتیی عەلی زەیدی، سەرۆک وەزیران، کار لەسەر ئامادەکردنی لیستێکی تایبەت دەکات کە ناوی نزیکەی ١٢٧ کەسایەتیی تێوەگلاو لە دۆسیەکانی گەندەڵی و بەقاچاخبردنی پارەی گشتی لەخۆدەگرێت. ئامانجی ئەم هەنگاوەش دەستبەسەرداگرتنی خانوووبەرە و داراییەکانیانە لە ناوەوە و دەرەوەی وڵات بە مەبەستی گێڕانەوەیان بۆ سەر خەزێنەی دەوڵەت.

سەرچاوەیەکی حکومی بە پێگەی "شەفەق نیوز"ی ڕاگەیاندووە کە تیمێکی پسپۆڕی سەر بە لیژنەکە، چاودێریی ئەو پارە و موڵکانەیان کردووە کە لە دوای ساڵی ٢٠٠٥ەوە بە پارەی گشتی کڕدراون.

بەپێی زانیارییەکانی ئەو سەرچاوەیە، تێوەگلاوەکان خاوەنی خانوووبەرە، دارایی، هۆتێل و هاوینەهەواری گرانبەهان لە وڵاتانی تورکیا، ئیمارات، کوێت، لوبنان، قەتەر، ئوردن، عومان، ئێران، لەگەڵ چەند وڵاتێکی تری ئەفریقایی و ئەورووپی.

ئەم هەنگاوە لە کاتێکدایە کە حکومەتی عێراق لە ٢٨ی حوزەیرانی ڕابردووەوە قۆناغی یەکەمی هەڵمەتی گێڕانەوەی پارەی گشتیی ڕاگەیاندووە، کە تا ئێستا دەستگیرکردنی چەندین بەرپرس، پەرلەمانتار و بازرگانی لێکەوتووەتەوە.