هێزێکی ئاسایشی نیشتمانی دوو بەرپرسی پێشووی کەرتی ڤێتێرنەرییان لە پارێزگای کەرکوک دەستگیرکرد، کە تۆمەتبارن "بە ساختەکردنی نووسراوی فەرمی و بەهەدەردانی سامانی گشتی".
پێنج شەممە، ٢٣ تەمووز ٢٠٢٦، بەپێی زانیارییەکان دەستگیرکراوەکان پێکهاتوون لە بەڕێوەبەری پێشووی ڤێتێرنەری کەرکوک و بەرپرسی پێشووتری هۆبەی ڤێتێرنەری ناحیەی شوان سەر بە حکومەتی فیدراڵ.
سەرچاوەیەک لەبارەی وردەکاریی تۆمەتەکان بە میدیاکانی راگەیاند "چەندین تۆمەت لەسەر ئەو دوو بەرپرسە ساغ بوونەتەوە، لەوانە: ساختەکردنی نووسراوی فەرمی، بەهەدەردانی بڕی ٧٥ ملیۆن دیناری مانگانە و تێوەگلان لە دۆسیەی هێنانی نایاسایی ئاژەڵی سووری".