پاشنیوەرۆی ئەمرۆ د.فوئاد مه‌عسوم سه‌رۆك كۆماری عیراق گه‌یشته‌ فڕۆكه‌خانه‌ی نێوده‌وڵه‌تی سلێمانی و له‌لایه‌ن ژماره‌یه‌ك به‌رپرسی حزبی و حكومیه‌وه‌ پێشوازی لێكرا.

بەپێی زانیارییەكان ئامانجی سه‌ردانه‌كه‌ی د. فوئاد مەعسوم ئه‌نجامدانی كۆیوونه‌وه‌یه‌ له‌گه‌ڵ لایه‌نه‌ سیاسیه‌كانی هه‌رێمی كوردستان و گفتوگۆكردن و تاوتوێكردنی كێشه‌كانی نێوان ناوه‌ندو هه‌رێم.

بڕیاره‌ له‌و سه‌ردانه‌یدا سه‌رۆك كۆمار سه‌ردانی شاره‌كانی هه‌ولێرو هه‌ڵه‌بجه‌ بكات و له‌گه‌ڵ به‌رپرسانی ئه‌و دوو شاره‌دا كۆببێته‌وه‌.