بەوتەی وەزارەتی دارایی عێراق بڕیارە رۆژی پێنجشەممەی داهاتوو پارەكە رەوانەی هەولێر دەكرێت‌و ئەم ماوەیەش بەهۆی كێشەی هونەرییەوە دواكەوتووە.

لەمبارەیەوە  د.فازڵ نەبی لەوەزارەتی دارایی عیراق بە تۆڕی هەواڵی سلێمانی راگەیاند: بەھۆی نەبوونی فرۆکەوە نەتوانراوە دوێنێ پارەکە ڕەوانەبکرێت، بەڵام ڕۆژی پێنج شەممە فرۆکەی بۆ ئامادەکراوە و ڕەوانەی ھەولێر دەکرێت.

ئەو بەرپرسەی وەزارەتی دارایی عیراق ئاماژەی بەوەشدا کە وەزارەتی دارایی چەند ڕۆژێکە پارەکەی خەرجکردوە و خستویەتیەتەسەر حسابی ھەرێم، تەنھا بەھۆی کێشەی ھونەرییەوە دواکەوتووە.

پێشتر هۆشیار زێباری وەزیری دارایی عێراق رایگەیاندبوو بڕی  ٤٥٥ملیۆن دۆلار رەوانەی هەرێم دەكرێت