ئه‌نجومه‌نی وه‌زیرانی هه‌رێمی كوردستان، له‌باره‌ی ته‌قینه‌وه‌كه‌ی دوێنێ ئێواره‌ له‌ناو گردبوونه‌وه‌ جه‌ماوه‌رییه‌كه‌ی هەدەپە به‌یاننامه‌یه‌ك ده‌رده‌كات.

ده‌قی به‌یاننامه‌كه‌:

به‌ توندی ئیدانه‌ی ئه‌و ته‌قینه‌وه‌یه‌ ده‌كه‌ین كه‌ دوێنێ ئێواره‌ گربوونه‌وه‌یه‌كی جه‌ماوه‌رییHDPی له‌ چوارچێوه‌ی هه‌ڵمه‌ته‌كانی بانگه‌شه‌ی هه‌ڵبژاردندا له‌ شاری دیاربه‌كر كرده‌ ئامانج و تیایدا چه‌ند هاووڵاتییه‌ك گیانیان له‌ ده‌ست دا و به‌ ده‌یانی دیكه‌ش بریندار بوون.

وێڕای پرسه‌ و سه‌ره‌خۆشی و هاوخه‌میمان له‌گه‌ڵ خانه‌واده‌ و كه‌سوكاری قوربانیان، هیوای زووچاكبوونه‌ش بۆ برینداران ده‌خوازین.

هیوادارین هه‌موو لایه‌نه‌كان دان به‌ خۆیاندا بگرن، رێكاره‌ یاساییه‌كان بگه‌نه‌ ئه‌نجام و ئه‌م كاره‌ ترسنۆكه‌ نه‌بێته‌ هۆی كاردانه‌وه‌ی نابه‌رپرسانه‌ و له‌ دوایین رۆژانی بانگه‌شه‌ی هه‌ڵبژارندا، كه‌شی گشتی و به‌ڕێوه‌چوونی پرۆسه‌ی ده‌نگدان نه‌شێوێنێت.

ئه‌نجومه‌نی وه‌زیرانی هه‌رێمی كوردستان
6-6-2015