نوسینگەی راگەیاندنی د. بەرهەم ساڵح لە روونكردنەوەیەكدا هەواڵێكی (الشبكە النهار الاخباریە) رەتدەكاتەوە‌و رایدەگەیەنێت كە د. بەرهەم لەگەڵ هیچ ئاژانس‌و دەزگایەكی تر لێدوانی لەو جۆرەی نەداوە.

لە روونكردنەوەكەدا هاتووە:

ماڵپەڕێك بەناوی (الشبكە النهار الاخباریە) هەواڵێكی هەڵبەستراوی لەسەر زاری د.بەرهەم ساڵح بڵاوكردۆتەوە گوایە لەئاژانسی هەواڵی جیهانی توركی  وەرگرتوە، لێرەوە بەهەموو لایەكی رادەگەینین، كە بەڕێز د.بەرهەم ساڵح هیچ چاوپێكەوتن و لێدوانێكی نەبۆ ئاژانسی جیهان نە هیچ دەزگایەكی تر نەداوەو ئەوەی لەو هەواڵەدا هاتووە سەرتاپای درۆو هەڵبەستراوەو ناوەرۆكی ئەو هەواڵە هەڵبەستراوە دورو نزیك پەیوەندی بە د. بەرهەم ساڵح – ەوە نییە.

ئەمەش لە کاتێکدادێت کە "الشبكە النهار الاخباریە" هەواڵێکی بڵاوکردۆتەوە کە لە زاری بەرهەم ساڵحەوە گواستویەتیەوە کە ناوبراو ڕازییە بە درێژکردنەوەی ویلایەتی بارزانی بۆ دووساڵی دیکە.