لە نووسینگەی سلێمانی پەرلەمانی کوردستانەوە د.یوسف محەمەد بەپێچەوانەی داواکەی پارتیەوە درێژە بەکارەکانی خۆی دەدات.
ئەمڕۆ د.یوسف محەمەد سادق سەرۆکی پەرلەمان بە ئامادەبوونی چەند پەرلەمانتارێکی کوردستان، پێشوازی کرد لە چین و توێژە جیاوازەکانی شاری سلێمانی، لە دانیشتن و کۆبوونەوەکاندا بارودۆخی کوردستان و قەیرانی دارایی و خۆپیشاندانەکانی مامۆستایان و هاوڵاتیان گفتوگۆیان لەسەرکرا.
ئەمڕۆ ٥ شەممە، ١٥-١٠-٢٠١٥ سەرۆکی پەرلەمانی کوردستان پێشوازی کرد لە شاندێکی یانەی وەرزشی سیروان و ڕێکخراوی ئاینی زەردەشتی و شاندێکی ڕاگەیاندکاران و ڕێکخراوەکانی کۆمەڵگەی مەدەنی. هەروەها دوێنێش لە نووسینگەی سلێمانی سەرۆکی پەرلەمانی کوردستان، پێشوازی کرد لە پەرلەمانتارانی خولی پێشوی پەرلەمانی کوردستان و عێراق و نوێنەری چەند ڕێکخراوێکی کۆمەڵگەی مەدەنی.
لە دیدار و کۆبوونەوەکاندا سەرۆکی پەرلەمانی کوردستان، ئاماژەی بە چەند پرسێکی گرنگی بارودۆخی سیاسی هەرێم و عێراق و ناوچەکەدا، ئاماژەی بەوەشدا ئەم ڕووداوانەی کە لەم هەفتەیەدا ڕوویاندا ڕووداوی ڕاگوزەر و کاتین و بەشێکن لە ململانێی درووستکردنی سیستەمێکی سیاسی و دیموکراسی و پەرلەمانی، دڵنیام هەمومان بە سەرکەتوتوویی ئەم قۆناغە تێدەپەڕێنین.