داعش رایدەگەیەنێت ئەو دوو خۆکوژەی شەوی رابردوو لە دووبز خۆیان تەقاندەوە کوردن.
لە تۆڕە کۆمەڵایەتییەکانی تویتەر و فەیسبووک، داعش لە بەیانێکدا بڵاویکردەوە هەردوو هێرش بەرە خۆکوژەکەی شەوی رابردوو لە دوبز خۆیان تەقاندەوە کوردن و یەکێکیان ناوی ( ئەبو بەسیری کوردی و ئەوی تریان موحەمەد عومەری کوردیە ).
هەروەها رێکخراوی دەوڵەتی ئیسلامی بڵاویان کردەوە کەسی سێهەم کە لەبازگەی دبس – کەرکوک خۆی تەقاندەوە ناوی ( جونەیدا ئەنساری )یە.
داعش لەو بەیانەدا هێرشەکەی سەر ئەو شارەی بەسەرکەوتوو وەسف کرد.
شەوی رابردوو چەکدارانی داعش لە رێگای چەند خۆکوژێکەوە هێرشیان کردە سەر بنکەی پۆلیس و قائیمقامیەتی شاری دوبز و خالێکی پشکنینی نێوان ئەو شارەو کەرکوکی لەئەنجامدا ٩ پۆلیس و ئاسایش شەهدیبوون و ١١ هاوڵاتیش برینداربوون و بۆ چەند کاتژمێرێک بینایەی قائیمقایەتی ئەو شارە کۆنتۆڵکراو دواتر ئازادکرایەوە.