وەزارەتی پەروەردە جەخت لەسەر ئەوە دەکاتەوە بەیانی دەرگای قوتابخانەکان دەکرێتەوە، مامۆستایانی ناڕازیش جەخت لەسەر بایکۆتدەکەنەوە.
وەزارەتی پەروەردەی حکومەتی هەرێمی کوردستان ئاگادارییەکی بڵاوکردەوە و ئاماژە بۆ ئەوە دەکات کە سبەینێ ٣/٢٦ دەوام لە سەرجەم خوێندنگەکانی هەرێمی کوردستاندا دەستپێبکاتەوە.
لە ئاگادارییەکەدا هاتووە"ئاگادارتان دەکەینەوە کە سبەی شەممە ڕێکەوتی (۲٠۱٦/۳/۲٦)ی زایینی، دەوامی فەرمی لە قوتابخانەکان دەستپێدەکاتەوە".
هاوکات ئەمڕۆش دەستەی مامۆستایانی ناڕازیی لە سلێمانی ڕایانگەیاند، دوای پشوەکانی نەورۆزیش ناچنەوە هۆڵەکانی خوێندن و بەردەوام دەبن لە مانگرتن تا داواکارییەکانیان جێبەجێ دەکرێت.