ئەو هێرشە بەر فراوانەی کە بەرەبەیانی ئەمڕۆ لە چەند میحوەرێکەوە چەکدارانی داعش کردیانە سەر پێشمەرگە، شەهید و برینداری لێکەوتووەتەوە شەڕ لە تەلسقەف و چیای باشیک دژوارە.

سەرچاوەیەکی ئاگادار لە هێزی پێشمەگەری کوردستان ڕایگەیاند لە ئێستادا شەڕێکی سەخت لە تەلسقەف و چیایی باشیک هەیە و دۆخی شەڕ دژوارە.

بە گوێرەی زانیارییەکانی سپیش گوندی"خەتارێ" کە لەسەرو تەلسقۆفەوەیە، دانیشتوانەکەی ئێزدین ئێستا بەهۆی شەڕەوە گوندەکەیان چۆڵکردووە و هەڵدێن و سات بەساتیش دۆخی شەڕەکەیان توندتر دەبێتەوە.