بەهەوڵی زانكۆی ئەمەریكی ئەمرۆ كۆربەندێك بۆ تاوتوێكردنی دۆخی منداڵە ونبووەكان لە پارێزگای هەڵەبجە بەڕێوەچوو.

لە كۆربەندەكەدا كە هەریەك لە  د. به‌رهه‌م ئه‌حمه‌د ساڵح سه‌رۆكی بۆردی زانكۆی ئه‌مەریكی و  عه‌بدوڵڵا نه‌وڕۆڵی پارێزگاری هه‌ڵه‌بجه‌ و ژماره‌یه‌ك له‌ په‌رله‌مانتاران و كونسول و نوێنه‌ری لایه‌نه‌ سیاسییه‌كانی كوردستان بەشداربوون، عه‌بدوڵڵا نه‌وڕۆڵی لە وتەیەكدا رایگەیاند كه‌ حكومه‌تی هه‌رێمی كوردستان ئاوڕی له‌ پارێزگای هه‌ڵه‌بجه‌ نه‌داوه‌ته‌ و پێویست بوو كه‌ حكومه‌ت گرنگی به‌و پارێزگایه‌ بدات.

وتیشی: تا ئێستا چه‌ندین منداڵی ونبووی ئه‌و پارێزگایه‌ كه‌ له‌كاتی كیمیابارانی شاره‌كه‌ له‌دایك و باوك و كه‌سوكاری خۆیان دابڕابوون به‌ یه‌كتر شادبوونه‌ته‌وه‌ و منداڵه‌ دۆزراوه‌كان پێویستیان به‌ چاودێری ورد هه‌یه‌ بۆ گه‌ڕانه‌وه‌ به‌ ژیانی ئاسایی خۆیان.