پاش نیووەرۆی ئەمرۆ چەكدارانی داعش چەند هێرشێكی خۆكوژییان كردە سەر سەنگەرەكانی پێشمەرگە لە میحوەری گوێر كە لەلایەن هێزی پێشمەرگەوە تێكشا.

لەمبارەیەوە  د. ئاراس حه‌سۆ میرخان جێگری سه‌رپه‌رشتیاری میحوه‌ری گوێڕ ـ مه‌خموور بە ماڵپەڕی فەرمیی پارتیی راگەیاند: "سەعات ٣ی دوانیوه‌ڕۆی ئه‌مڕۆ شه‌ممه‌ تیرۆریستانی داعش بە ٥ تیرۆرستی خۆكوژه‌وه‌ له‌ سنووری نێوان گوندی كوشاف و سوڵتان‌عه‌بدوڵاوە هێرشیان هێنا بۆ سه‌ر سه‌نگه‌ره‌كانی هێزی پێشمه‌رگه،‌ به‌ڵام هه‌ر زوو به‌ر له‌وه‌ی بگه‌ن به‌ سه‌نگه‌ره‌كان، هێزه‌كانی پێشمه‌رگه‌ سێانیانیان ته‌قانده‌وه‌ و دووی تریش هه‌ڵاتن، به‌ڵام هێزه‌كانی پێشمه‌رگه‌ نه‌یاهێشت هه‌ڵبێن و ئه‌وانیشیان كوشت و لاشه‌كانیان له‌ژێر ده‌ستی هێزه‌كانی پێشمه‌رگه‌دایە."

 وتیشی "تیرۆرسته‌كان چواریان بە گوللەی هێزه‌كانی پیشمه‌رگه‌ ته‌قێنرانه‌وه‌ به‌ڵام یه‌كێكیان كوژرا و، پشتێنه‌ خۆكوژییه‌كه‌ی نەتەقییەوە و، وا ئێستا تیمه‌كانی ئه‌ندازیاری خه‌ریكی پووچه‌ڵكردنه‌وه‌ین".