بەرەبەیانی ئەمڕۆ چەكدارانی داعش لە چەند قۆڵەوە پەلاماری سەنگەرەكانی پێشمەرگەیان دا بەڵام هێرشەكەیان بە توند تێكشا. لەو شەڕەدا فەرماندەیەكی زێرەڤانی شەهید بوو.
بەپێی سەرچاوەیەك لە میحوەری خازر كاتژمێر 3 و 30 خولەكی بەرەبەیانی ئەمڕۆ هەینی، چەكدارانی داعش هێرشیان كردۆتە سەر سەنگەرەكانی پێشمەرگە لە میحوەرەكانی وەردەك، خازر و حەسەن شام.
بەپێی ئەو سەرچاوەیە پێشمەرگە بە توندی بەرپەرچی ئەو پەلامارانەی داوەتەوە و زیانێكی زۆری پێگەیاندوون.
لە ئەنجامی شەڕی وەردەك ئەفسەرێكی پێشمەرگە بە ناوی عەقید سەربەست مەنتك كە بەرپرسی جموجۆڵی هێزی پێشمەرگە لە سوپای پێنجی زێرەڤانی بوو شەهید بووە و 7 پێشمەرگەی تریش برینداربوون.
