تا ئێستاش یەكەم رۆژی مانگی رەمەزان لە هەرێمی كوردستان دیاری نەكراوە‌و بڕیارە سبەینێ لیژنەی باڵای بینینی مانگ‌و وەزارەتی ئەوقاف لەمبارەوە كۆببنەوە.

سەبارەت بە یەكەم رۆژی مانگی رەمەزان، مەریوان نەقشبەندی بەڕێوەبەری پەیوەندییەكان و پێكەوەژیان لە وەزارەتی ئەوقاف و كاروباری ئایینی هەرێمی كوردستان بە رادیۆی نەوای راگەیاند، بڕیاروایە سبەینێ یەكشەممە (5/6/2016) لیژنەی باڵای بینینی مانگ و وەزارەتی ئەوقاف كۆببنەوە و هاوئاهەنگی لەگەڵ چەند تیمێكی تایبەت بە چاودێریكردنی مانگ بكەن، كە لە شاخی گڵەزەردە لە سلێمانی چاودێری دەركەوتنی مانگ دەكەن.

وتیشی: "ئەگەر سبەی ئێوارە مانگ ببینرێت، ئەوا رۆژی دووشەممە (6/6) یەكەم رۆژی مانگی رەمەزانە و ئەگەر نەشبینرا، ئەوا دەكەوێتە رۆژی دواتر".