هەڵسوڕاوێكی بزوتنەوەی گۆڕان ئەو هەواڵەی رۆژنامەی رووداو رەتدەكاتەوە كە باس لەوە دەكات لەلایەن رێكخەری بزوتنەوەكەوە پەیامێك ئاراستەی بارزانی كراوە.

هۆشیار عەبدوڵا، هەڵسوڕاوی بزوتنەوەی گۆڕان لەوبارەیەوە رایگەیاند: مەسەلەی ناردنی پەیام لەلایەن نەوشیروان مستەفا بۆ بارزانی ئەسڵ و ئەساسی نیە و لە بنەمادا هەواڵێکی دروستکراوە ...

هەروەها دەڵێت: هەڵوێستی نەوشیروان مستەفا لەسەرەتاوە ڕونبوە بەرامبەر کێشەی سەرۆکایەتی هەرێم و بۆ مەسەلەی سەرۆکی پەرلەمانیش گۆڕانیش و رێکخەرە گشتیەکەشی هەڵوێستیان ڕونە کە دەستبەکاربونەوەی پەرلەمان و سەرکایتیەکەیەتی بێ مەرج و دوا هەڵوێستی جڤاتی نیشتیمانیش هەمان شت بوە ....

ئاماژە بەوەش دەكات: هەرکات رێکخەری گشتی یا گۆڕان سەبارەت بە دۆخی سیاسی رایەکی نوێ یا دەستپێشخەری هبێت ڕون و ڕاشکاو دەریدەبڕیت و لە سەرەتاشەوە تا ئێستا گۆڕان هەڵوێستی ڕونە لە سەر نەمانی شەرعیەتی پۆستەکەی بارزانی و زەرورەتی چالاککردنەوەی پەرلەمان بە سەرۆکایەتی د.یوسف و دەستەی سەرۆکایەتی ئێستای...

هۆشیارعەبدوڵا لەكۆتاییدا دەڵێت: لە ئێستاشدا گۆڕان و یەکێتی رێکەوتن و سەرکردایەتیەکی هاوبەشیان هەیە  و هەموو هەنگاوێک یا هەولێک بۆ یەکلاکردنەوەی پرسەکان بە هاوبەشی ئەدرێت بۆیە مەسەلەی ئەوەی کاک نەوشیروان پەیامی ناردوە ئەساسێکی نیە و دورە لە راستیەوە.