بەڕێوەبەری پۆلیسی فریاكەوتنی هەولێر ڕایگەیاند، بە هەماهەنگی لەگەڵ ئاسایش و پۆلیسی نەهێشتنی تاوان و هاتوچۆ و بەرگریی شارستانی، پلانێكی ئەمنیی تۆكمەیان بۆ جەژنی قوربان داڕشتووە.

مقەدەم سەران لەتیف، بۆ میدیاكان گوتی: "لە ئەمڕۆ سێشەممەوە بە هەماهەنگیی ئاسایش و پۆلیسی نەهێشتنی تاوان و فریاكەوتن و هاتوچۆ و بەرگریی شارستانیی هەولێر، پلانێكی ئەمنییان بۆ جەژنی قوربان داڕشتووە".

بەڕێوەبەری پۆلیسی فریاكەوتنی هەولێر ڕوونیشی كردەوە، پلانەكە لە ناوشار و دەرەوەی شار جێبەجێ دەكرێت و هێزەكانی ئاسایشی ناوخۆ بە وردی چاودێری دۆخی ئەمنی دەكەن و سەروماڵی هاووڵاتیان دەپارێزن.

بە وتەی سەران لەتیف، لە شوێنە گشتییەكانیش تیمەكانی پۆلیس و ئاسایش بڵاوەیان پێ دەكرێت و لە ڕێگای كامێراكانی چاودێریشەوە باری ئاسایشیی هەولێر و دەوروبەری دەخرێتە ژێر كۆنتڕۆڵەوە.