ماڵپەڕی فەرمی یەکگرتووی ئیسلامی بڵاویکردەوە ڕۆژی چوارشەممەی داهاتوو ئەنجومەنی وەزیران كۆدەبێتەوە و تاوتوێی دامەزراندنی یەكەمەكانی زانكۆ و پەیمانگاكان دەکات

ماڵپەڕی کوردیوی زمانحاڵی فەرمی یەکگرتووی ئیسلامی بڵاویکردەوە " بریارە چوارشەممەی داهاتوو 12ی تشرینی یەكەمی 2016 ئەنجومەنی وەزیران كۆ ببێتەوە ئەو كۆبونەوەیە تەواوكەری كۆبوونەوەكەی پێنج شەممەی رابردوو دەبێت و تاوتوێی چەند پرسێكی گرنگ دەكرێت".

ئەو ماڵپەڕە بڵاویشی کردووەتەوە "لە كۆبوونەوەكەدا تاوتوێی دامەزراندنی یەكەمەكانی زانكۆ و پەیمانگاكان و دەرچوانی بەشە پزیشكییەكان دەكرێت ولە كۆببونەوەكەدا تاوتوێی یاسای ژمارە (11)ی مافی بەدەستهێنانی زانیاری دەكرێت كە لە ساڵی 2013 لە پەرلەمانی كوردستان دەرچووە، هەروەها تاوتوێی پلانی ستراتیژی وەزارەتی كار و كاروباری كۆمەڵایەتی دەكات، كە بە هاوكاری بانكی نێودەوڵەتی راگەیەندراوە"