ئەمرۆ 19/11 لەگەڕەكی مەجیدبەگ، ژنێك بە دەمانچە كۆتایی بە ژیانی خۆی هێنا.

له‌و باره‌یه‌وه‌ سه‌ركه‌وت ئه‌حمه‌د وته‌بێژی پۆلیسی سلێمانی  راگه‌یاند: به‌یانی ئه‌مڕۆ پۆلیس له‌روداوێكی كوشتن ئاگاداركرایه‌وه‌ و ده‌ستبه‌جێ تیمه‌كانی پۆلیس و تیمه‌كانی به‌ڵگه‌ی تاوان به‌مه‌به‌ستی لێكۆڵینه‌وه‌ چونه‌ته‌ شوێنی رووداوه‌كه‌ و ده‌ركه‌وتووه‌ كه‌وا ژنێك به‌ده‌مانچه‌ كوژراوه‌.

وتیشی: تا پزیشكی دادوه‌ری بڕیارنه‌دات نازارێت كه‌ ئاخۆ ئه‌و ژنه‌ خۆی كوشتووه‌ یان كوژراوه‌، به‌ڵام پێده‌چێت خۆی كوشتبێت.

وته‌بێژی پۆلیسی سلێمانی  راشیگه‌یاند: ژنه‌كه‌ خێزانداره‌و  دوو منداڵی هه‌یه‌و ته‌مه‌نی له‌سه‌رو 22 سالانه‌وه‌یه‌و دوای رووداوه‌كه‌ش ته‌رمه‌كه‌ی ره‌وانه‌ی پزیشكی دادوه‌ری سلێمانی كراوه‌و لێكۆڵینه‌وه‌ له‌رووداوه‌كه‌ به‌رده‌وامیی هه‌یه‌.