بە وتەی بەڕێوەبەری نەوت‌و كانزاكانی سلێمانی دابەشكردنی نەوت لە ناوچەكانی دەرەوەی شاری سلێمانی بەردەوامە‌و ئەمرۆش قەزای شارەزور‌و سەیدسادق نەوت وەردەگرن.

محەمەد حەسیب بەڕێوەبەری نەوت و كانزاكانی سلێمانی بە رادیۆی نەوای راگەیاند، ئێستا پرۆسەی دابەشكردنی نەوتی سپی لە چوارقوڕنە بەردەوامە، لە شارباژێڕ و پێنجوێن و رانیە و بێتواتە و حاجیاوا و تەوێڵە و خورماڵ و بیارەش تەواو بووە.

وتیشی "ئەمڕۆ نەوتمان ناردووە بۆ قەزای شارەزوور و سەیدسادق و یەكشەممەش پرۆسەكە بە هەڵەبجە دەستپێدەكات".

بەڕێوەبەری نەوت و كانزاكانی سلێمانی ئاماژەی بەوەشدا كە بەغدا ژمارەی ئەو تەنكەرانەی زیاد كردووە كە بەهۆیانەوە نەوت بۆ پارێزگای سلێمانی دەنێرێت.